#GanapSaTESDA

Sa unang araw ng TESDA 17th General Directorate Conference (GDC) sa Clark, Pampanga, pinangunahan ni Secretary Isidro S. Lapena ang isang pagpupulong kasama sina Indigenous People Mandatory Representative (IPMR) at Mabalacat City Councilor Ruvielane Margarito, PMR Edwin Abuque, National Commission on Indigenous Peoples Chief Service-Pampanga Kevin Fonseca at mga kinatawan ng Ayta Mag-antsi.
Ang layunin ng pagpupulong na iyon ay matugunan ang hiling ng mga Ayta Mag-antsi na mabigyan ang kanilang komunidad ng mga pagsasanay.
Ang Ayta Mag-antsi ay mga katutubong Pilipino na naninirahan sa Sitio Monicayo, Mabalacat City, Pampanga. Napanatili nila ang kanilang kultura sa kabila ng impluwensiya ng mga Kapampangan sa kanilang pamumuhay.
#TESDAAbotLahat